petrpavelhram (petrpavelhram) wrote,
petrpavelhram
petrpavelhram

Евангелие от Марка: Мк., 56 зач., 12, 28‒37



Автор: священник Олег Стеняев

Толкование на сегодняшнее чтение начинается на 18-й минуте записи (17:43). Текст Евангелия по Острожской Библии 1581 года: И присту́пль еди́нъ от­ кни́жникъ, слы́шавъ и́хъ стяза́ющася, и ви́дѣвъ я́ко до́брѣ от­вѣща́ и́мъ, вопроси́ Его́, кая́ е́сть пе́рвая всѣ́хъ за́повѣдiй? Ису́съ же от­вѣща́ ему́. я́ко пе́рвѣйши всѣ́хъ за́повѣдiй, слы́ши Изра́илю. Госпо́дь Бо́гъ ва́шъ, Госпо́дь еди́нъ е́сть. И воз­лю́биши Го́спода Бо́га тво­его́ всѣ́мъ се́рдцемъ тво­и́мъ, и все́ю душе́ю тво­е́ю, и всѣ́мъ умо́мъ тво­и́мъ, и все́ю крѣ́постiю тво­е́ю. сiя́ е́сть пе́рвая за́повѣдь. И втора́я подо́бна е́й. воз­лю́биши бли́жняго сво­его́ я́ко са́мъ себе́. Бо́льши сею́ и́на за́повѣдь нѣ́сть. И рече́ ему́ кни́жникъ. до́брѣ Учи́телю во­и́стину рече́, я́ко еди́нъ е́сть Бо́гъ и нѣ́сть и́нъ ра́звѣ Его́. и е́же люби́ти Его́ всѣ́мъ се́рдцемъ, и всѣ́мъ ра́зумомъ, и все́ю душе́ю, и все́ю крѣ́постiю. и е́же люби́ти бли́жняго я́ко себе́, бо́ле е́сть всѣ́хъ всесожже́нiи и же́ртвъ. Ису́съ же ви́дѣвъ, я́ко смы́слено от­вѣща́, рече́ ему́, не дале́че еси́ от­ Ца́р­ст­вiя Бо́жiя. И никто́же смѣ́яше ктому́ Его́ вопроси́ти. И от­вѣща́въ Ису́съ, глаго́лаше, учá въ це́ркви. Ка́ко глаго́лютъ кни́жницы, я́ко Христо́съ Сы́нъ е́сть Давы́довъ? То́й бо Давы́дъ рече́ Ду́хомъ Святы́мъ. глаго́ла Госпо́дь Го́сподеви мо­ему́, сѣди́ одесну́ю Мене́, до́ндеже положу́ врагы́ Твоя́ подно́жiе нога́ма Тво­и́ма. Са́мъ у́бо Давы́дъ глаго́летъ Его́ Го́спода, и от­ку́ду Сы́нъ ему́ е́сть? И мно́гъ наро́дъ послу́шаше его́ въ сла́дость.
Tags: Евангелие дня
Subscribe

Comments for this post were disabled by the author