petrpavelhram (petrpavelhram) wrote,
petrpavelhram
petrpavelhram

Category:

Евангелие от Марка: Мк. 15, 43 ‒ 16, 8



Автор: священник Олег Стеняев

Толкование на сегодняшнее чтение (Мк. 15, 43 – 16, 8) начинается на 21-й минуте записи (20:28). Текст Евангелия по Острожской Библии 1581 года: Прїи́дє Ióсифъ, и҆́же ѿ Арїмаѳе́ѧ, благообра́зєнъ совѣ́тникъ, и҆́жє и҆ то́й бѣ̀ ча́ѧ Цáрствїѧ Бóж҃їѧ, дєрзну́въ вни́дє къ Пила́ту, и просѝ тѣло Iсу́сово. Пила́тъ жє диви́сѧ, а҆́щє у́жє у́мрє. и призва́въ со́тника вопросѝ єго̀, а҆́щє у́жє у́мрє. и увѣ́дѣвъ ѿ со́тника, дáстъ тѣ́ло Ióсифови. И купи́въ плащани́цу, и сне́мъ Его̀ обви́тъ плащани́цєю, и вложѝ Его̀ во́ гробъ, и҆́жє бѣ̀ и҆зсѣ́чєнъ ѿ ка́мєнє. И привалѝ ка́мєнь надъ двє́ри гро́бу. Мáрiѧ же Магдалы́ни и Мáрiѧ Iосі́єва, зрѧ́ста гдѣ̀ Его̀ полага́ху.


И мину́вшєй субóтѣ, Мáрiѧ Магдалы́ни и Мáрiѧ Iа́кoвлѧ и Саломѝ, купи́ша арома́ты, да прише́дшє пома́жутъ Iсу́са. И ѕѣлó зау́тра во єди́ну ѿ субóтъ, прїидо́ша нá гро́бъ, восїѧ́вшу со́лнцу, и глаго́лаху къ сєбѣ̀, кто̀ ѿвали́тъ на́мъ ка́мень ѿ две́рїи гро́ба; и возрѣ́вшє ви́дѣша iáко ѿвале́нъ бѣ̀ ка́мєнь. бѣ́ бо ве́лїи ѕѣлó. И влѣ́зшє во́ гробъ, ви́дѣша ю҆́ношу сѣдѧ́ща въ десны́хъ, одѣ́ѧнъ въ ѻ҆де́жду бѣ́лу, и҆ ужасо́шасѧ. Ѻ҆́нъ же глаго́ла и҆̀мъ, не оужаса́йтєсѧ. Iсу́са и́щєтє Назарѧни́на, пропѧ́таго. Воста̀, нѣ́сть здѣ̀. сѐ мѣ́сто идѣ́жє положи́ша Его̀. Но идѣ́тє, рцѣ́тє оучєникó́мъ Его̀ и Пєтро́ви, iáко варѧ́єтъ вы̀ въ Галиле́и. та́мо Его̀ ви́дитє, iáко же рєчѐ ва́мъ. Изше́дшє, бѣжа́ша óт гроба. имѧ́шє же и҆̀хъ тре́пєтъ и оу́жасъ, и никому́же ничесо́же рѣ́ша, боѧ́хубосѧ.

Tags: Евангелие дня
Subscribe

Comments for this post were disabled by the author